Чүпрәле сугышчылары махсус хәрби операция зонасыннан ялга кайттылар: аларның берсе шунда ук үз кызына өйләнешергә тәкъдим ясады
Мобилизацияләнгән егетләрне каршы алырга Чүпрәле районы Башлыгы Марат Гафаров та килде.
Бүген, 2023 елның 28 мартында, ярты еллык хезмәттән соң, Чүпрәле районыннан мобилизацияләнгәннәр беренче ялларына кайттылар. 15 хәрби хезмәткәрдән торган беренче төркем туганнары янында нәкъ ике атна өйдә булачак.
Башка республика, безнең район хәрбиләрен озата кайткан ике автобус Чүпрәле районының “Дуслык” кафесы янында тукталыш ясады. Монда аларны туганнары һәм якыннары, авыл җирлекләре башлыклары, дуслары каршы алды.
- Әтиебезне көтәбез. Бик сагындык, - диде мобилизацияләнгән ирнең хатыны.
Хәрби ир-егетләрне каршы алырга Чүпрәле районы Башлыгы Марат Гафаров та килде. Ватанны саклаучыларның берсе үз кызына сюрприз ясады. Тукталышта ук ул аңа өйләнешергә тәкъдим ясады.
Кул һәм йөрәк тәкъдиме бөтенләй көтелмәгән хәл булды. Барысы да, каршылаучылар һәм аның мобилизацияләнгән хезмәттәшләре алдында була. Сөеклесе «Әйе» дип җавап бирде.
Район башлыгы Марат Гафаров хәрбиләрне кайту белән сәламләде, яшьләргә үз мәхәббәтләрен озак елларга саклап калырга теләде. Шулай ук, якын көннәрдә хәрбиләр белән очрашу оештырылачагын да билгеләп үтте.
Исегезгә төшерәбез, Россия Президенты Владимир Путин йөкләмәсе буенча махсус операциядә катнашучылар ярты елга бер тапкыр 14 көнгә отпускка китәргә мөмкинлек алдылар.