Салым түләргә кирәклеге хакындагы хат килмәсә нишләргә?
Салым уведомлениеләре почта аша берничә очракта җибәрелми. Беренчесе - салым объекты булган гражданинның салымны бөтенләй түләмәскә хокук бирүче ташламалары булганда. Икенче очрак - салым күләме 100 сумнан кимрәк булганда. Өченче очрак - салым түләүче Россия федераль салым хезмәтенең интернет-сервисыннан файдаланганда, ягъни аның шәхси кабинеты булганда һәм ул салым органына үзенә кәгазьдәге документ җибәрүне сорап мөрәҗәгать итмәгәндә.
Башка очракларда салым түләүче салым уведомлениесе алмавы турында инспекциягә хәбәр итәргә яки федераль салым хезмәтенең «Салым түләүче физик затның шәхси кабинеты» электрон сервисы аша мөрәҗәгать юлларга тиеш.
Күчемсез милеге яки транспорт чарасы булып та, беркайчан да салым уведомлениеләре алмаган һәм ташламалар сорамаган гражданнарның бу турыда теләсә кайсы салым органына хәбәр итүләре шарт.