Приютка депутат килде

Татарстан Республикасының Дәүләт Советы депутаты, попечительләр советы әгъзасы Ринат Гайзатуллин Убидагы “Җылы йорт” социаль приютында булды. Монда аны Чүпрәле район Советы аппараты җитәкчесе Эмиль Әхмәтов,  район Советының оештыру бүлеге мөдире Радик Баһаутдинов, халыкны социаль яклау бүлеге начальнигы вазифаларын вакытлыча башкаручы Лилия Рәкыйпова, Уби авылы җирлеге башлыгы Алексей Ярухин, “Җылы йорт” социаль приюты  директоры вазифаларын вакытлыча башкаручы Алевтина Скорнякова каршы алды.
Ринат Рауфович үзенең визиты вакытында баларның ял итү, уйнау, йоклау, ашап-эчү, дәрес әзерләү һәм спорт белән шогельләнү бүлмәләрендә булды, приют хезмәткәрләре һәм тәрбиячеләр белән сөйләште.